Гарадзенцаў навучаць быць здаровымі

|

Акцыю “Мой здаровы горад” з 15 да 17 гадзін 20 верасня ладзіць Гродзенскі абласны цэнтр гігіены, эпідэміялогіі і грамадскага здароўя.

Акрамя кансультацыйнага пункта, у гэты дзень будзе працаваць дэгустацыйная выстава прадуктаў здаровага харчавання, фіта-вітамінных і мінеральных комплексаў, натуральных лекавых сродкаў.

Што такое здаровы лад жыцця, гарадзенцы змогуць даведацца з матэрыялаў выставы інфармацыйна-адукацыйных матэрыялаў і на гульнявой пляцоўцы “Здаравячок”.

 

Ахвотным дапамогуць змерыць артэрыяльны ціск, вызначаць вагу, індэкс вагі цела і дадуць неабходныя рэкамендацыі.

Тут жа арганізуюць конкурс малюнкаў на асфальце, бяспройгрышнуя латарэю, рухомыя гульні.

На гэты час тэрыторыя каля моладзевага цэнтра абвешчаная зонай, вольнай ад палення.

 

Мэта акцыі – прыцягнуць увагу да праблемы захавання і ўмацавання здароўя, здаровага ладу жыцця, прафілактыцы захворванняў.