“Юнацтва” мацней за “Нёман” з лікам 2:0
У пераможцаў вызначыліся Алег Шафарэнка і Павел Развадоўскі.
“Юнацтва” – “Нёман” (2:0 0:0, 0:0, 2:0)
Шайбы закідвалі:
1:0 Алег Шафарэнка (Павел Развадоўскі) 41:20
2:0 Павел Развадоўскі (Алег Цімчанка, Алег Шафарэнка) 44:16
Дзмітрый Краўчанка пасля матчу:
“У гульні было ўсё: і рызыка, і спартыўная злосць , і гульня да гала. За 60 хвілін адбывалася многае, аж да таго, што гульцы на эмоцыях хапалі чужыя клюшкі.
У мяне, у прынцыпе, няма прэтэнзій да каманды, акрамя аднаго моманту. Калі ў першым і ў другім перыядах мы праяўлялі цярпенне да гульні, то ў трэцім гэта гульнявое цярпенне ў кожным моманце мы страцілі. Няхай і літаральна на некалькі хвілін, але гэта было супраць нас.
Гульня доўжыцца 60 хвілін і канцэнтравацца, тым больш з камандай “Юнацтва”, трэба ўсе 60 хвілін. Калі зараз нас не хапіла, то, дай Бог, каб мы разабралі памылкі, і нас хапіла на наступныя гульні чэмпіянату Беларусі і Кантынентальнага Кубка. А ўвогуле, хлопцы аддаваліся гульне, таму ўдзячны ім, заўзятарам і трэнерам за добрую гульню”.
Нагадаем, гэта другое запар паражэнне ў гарадзенцаў. Зусім нядаўна “Нёман” саступіў “Шахцёру”.
Усухую абыграўшы ў пятніцу гарадзенскі “Нёман”, каманда Міхаіла Захарава ўшчыльную наблізілася да верхняга радку турнірнай табліцы – зараз ад лідара мінчан аддзяляе толькі адно ачко.
18 лістапада падапечныя Дзмітрыя Краўчанкі правядуць апошні свой матч перад удзелам у Кантынентальным Кубку, супернікам гарадзенцаў будзе ХК “Віцебск”.
Здымак junost.org