Леанід Дзмітраніца пакінуў “Нёман”

|

Учора Леанід Фёдаравіч развітаўся з калектывам гарадзенскага клуба.

 

Першымі пра гэта даведаліся гульцы асноўнага складу, а крыху пазней Дзмітраніца развітаўся з калектывам клубнага персаналу, а таксама калектывам дзіцячай футбольнай школы гарадзенскага “Нёмана”.

 

Начальнік упраўлення спорту і турызму Гродзенскага аблвыканкама Алег Андрэйчык падзякаваў Дзмітраніцу за праведзеную працу і прадставіў выконваючага абавязкі старшыні клуба Дзмітрыя Васільевіча Барысейку.

 

Раней мы паведамлялі што Дзмітраніца і Саладоўнікаў застаюцца ў “Нёмане”. Але атрымалася, што галоўны трэнер застаўся, а старшыня сышоў. Пагаворваюць, што Дзмітраніца можа заняць пасаду гендырэктара БАТЭ.

 

Акрамя таго, што быў падпісаны Суліма, а Дзмітраніца сышоў, мусім паведаміць яшчэ пра тое, што капітан гарадзенскага “Нёмана” Іван Дзенісевіч працягнуў кантракт з клубам.