Гродзенскага школьніка абакраў лепшы сябра
Хлопчык распавёў супрацоўнікам міліцыі, што ключ ад кватэры таксама знік некалькі дзён таму.
Злаўмыснік адчыніў кватэру менавіта ключом. На месцы здарэння выявіўся выразны адбітак абутку невядомага.
У першую чаргу праверылі прыяцеляў і аднакласнікаў пацярпелага.
Высветлілася, што ў дзень крадзяжу на першым уроку адсутнічаў ягоны лепшы сябра.
У размове з праваахоўнікамі падлетак пачаў блытацца, а калі яму прапанавалі параўнаць адбітак абутку са знойдзеным на месцы злачынства, прызнаўся ў крадзяжы.
Непаўналетні злодзей распавёў як сцягнуў у сябра ключ ад кватэры, дачакаўся зручнага моманту і абакраў аднакласніка.
Распачатая крымінальная справа.
Паводле прэс-службы УУС Гродзенскага аблвыканкама
Здымак bezformata.ru