У Гродне падлетак ўпаў з 10-метровай вышыні на апору маста
Як паведамляе сайт Міністэрства па надзвычайных сітуацыях, па прыбыцці на месца выкліку супрацоўнікаў МНС было выяўлена, што за агароджай аўтамабільнага маста на верхняй частцы жалезабетоннай апоры знаходзяцца двое дзяцей, адзін з якіх сур’ёзна траўмаваны.
Выратавальнікі пры дапамозе альпінісцкай амуніцыі зафіксавалі пацярпелага хлопчыка на ношах і затым спусцілі ў лодку, якая даставіла яго на бераг. Яго сябра таксама спусцілі ў лодку МНС і адвезлі на бераг.
Высветлілася, што хлопцы па рэвізійным трапе ішлі па камунікацыях, пракладзеных пад аўтамабільным мастом праз Нёман. У выніку, не ўтрымаўшыся, адзін з іх зваліўся з вышыні каля 10 м. на верхнюю частку жалезабетоннай апоры.
Яго сябра па лесціцы спусціўся ўніз да пацярпелага і з мабільнага тэлефона выклікаў службу МНС.
Хлопчыка шпіталізавалі, стан яго цяжкі. У яго шматлікія пераломы.