Гарадзенец зрабіў панарамныя здымкі яшчэ аднаго храма
Ён быў збудаваны як кальвінскі збор родам Зяновічаў ў сярэдзіне XVI стагоддзя ў адпаведнасці з усімі канонамі кальвінісцкага богаслужэння. Таўшчына сцен храма складала ад аднаго да 4-х метраў. Для паляпшэння акустыкі ў іх былі ўмураваны пустыя пасудзіны.
У пачатку XVIІ ст. храм быў перададзены каталікам і стаў называцца касцёлам Святой Троіцы.
Пасля паразы паўстання 1963-1864 гг. храм перайшоў ва ўласнасць праваслаўных і стаў Міхайлаўскай царквой.
Затым з 1918 г. і да другой паловы 40-х гадоў ХХ ст. тут зноў быў касцёл, які савецкая ўлада зачыніла пасля вайны.
Богаслужэнні ў касцёле аднавіліся толькі ў канцы 80-х гг. мінулага стагоддзя.
Паглядзець панарамныя фотаздымкі храма можна тут.
Для Івана Цыркуновіча (на здымку) гэта ўжо не першы храм, адлюстраваны на панарамных здымках.
Яго папярэднія працы можна паглядзець у тым ліку і на нашым сайце:
Панарама гарадзенскай сінагогі
Панарама гарадзенскага Фарнага касцёла