Дакументальныя мультымедыйныя праекты з усяго свету паказалі ў межах “СпецРУЛЕТу” ў Гродне
|
РУЛЕТ гэта сеткавы афлайнавы паказ дакументальных мультымедыя, які праходзіць адначасова ў розных гарадах: ад Уладзівастока да Калінінграда. Ідэя праекта ў тым, каб гледачы маглi ацаніць новыя тэндэнцыi замежнай журналiстыкi i дакументалiстыкi, а таксама прасачыць за ўзроўнем развіцця, на якім знаходзяцца жанры мультымедыя сёння.
У маі гэтага году ў Гродне ўжо праходзіў такі паказ – гэта быў “Другі РУЛЕТ” |
||
У Гродне прайшоў РУЛЕТ пад назовам “Спецыяльны”. У чым гэтая яго адмысловасць?
“Спецыяльным” гэты РУЛЕТ называўся таму, што ён быў арганізаваны да першага дня народзін праекту Mediacrowd, які займаецца арганізацыяй РУЛЕТаў ва ўсіх гарадах. Ён быў падрыхтаваны сумесна з фотаагенцтвам Panos Pictures.
Ці спадабалася канцэпцыя гэтага РУЛЕТу, ці была яна больш тэматычна разнастайнай у параўнанні з ранейшымі, або больш аб’яднана агульным сэнсам?
Асабіста мне канцэпцыя спадабалася тым, што яна была падабрана на агульным настроі. Агулам быў зададзены такі ключ смутку і можа нават дэпрэсіўнасці. Яскрава пазітыўных гісторый наогул не было.
Які аўтар вам найбольш спадабаўся?
З боку журналістыкі мне спадабаўся Шыхо Фукада, з яго гісторыяй пра інтэрнэт-кавярню, у якой жывуць беспрацоўныя японцы. Мультымедыйны праект закрануў з пункту гледжання мантажу, зроблена было вельмі моцна і неяк па-новаму.
Якія агульныя ўраджанні ад РУЛЕТУ?
Імпрэза актыўна рэкламавалася, чаканні ад яе спраўдзіліся. Яна не была забаўляльнай, таму на яе прыйшлі сапраўды тыя, хто гэтым цікавіцца: журналісты-пачаткоўцы, відэа аператары і проста неабыякавыя да тэмы мультымедыя людзі.
Якая перспектыва падобных імпрэз у нашым горадзе і ў Беларусі?
Перспектыва спрыяльная, я бачу, што людзей цікавіць тэма мультымедыя. Нямала людзей прыйшло на РУЛЕТ, які быў у маі. Мяркую, што па выніках прагляду людзі вырашаць, якія тэмы для іх больш цікавыя, якія не, заўважаць адметнасці мантажу, і будуць спрабаваць рабіць нешта сваё.
Здымкі Алены Кавальчук