Няўдалы пачатак года: “Нёман ” прайграе ў Маладзечне
У госці да «зуброў» гарадзенцы адправіліся ў выдатным настроі. Восем перамог запар надавалі падапечным Спірыдонава ўпэўненасці ў сваіх сілах.
Перад дзесным чэмпіёнам краіны па чарзе капітулявалі цяперашнія лідэры турнірнай табліцы: “Металург”, “Гомель”, “Шахцёр”.
Матч з “Дынама” абяцаў быць цікавым, але ніяк не мусіў стаць перашкодай перад набраўшым хаду гарадзенскім клубам.
… Першы перыяд прайшоў цалкам пад дыктоўку дынамаўцаў. Падапечныя Дзмітрыя Краўчанкі перакідалі хакеістаў “Нёмана” у шэсць разоў – 12:2.
На шчасце для гарадзенцаў, шайба толькі адзін раз заляцела ў брамку.
Пачатак другога перыяда гэтак жа застаўся за дынамаўцамі. У самым пачатку падвоіць перавагу «зуброў» здолеў Голубеў.
Гаспадары маглі закінуць яшчэ і трэцюю шайбу, але гарадзенцы знайшлі сілы і пераламалі ход бітвы. Менш, чым за сем хвілін, “Нёман” закінуў чатыры шайбы і павёў у ліку.
У заключным перыядзе гарадзенцы прайгралі саперніку дзве шайбы.
Дадатковы перыяд каманды пачалі пры ліку 4:4.
За 59 секунд да канца авертайму дынамаўцы забіваюць шайбу (вызначыўся Мікіта Феактыстаў) і вырываюць перамогу.
Пасля матчу галоўны трэнер “Нёмана” Васіль Спірыдонаў адзначыў, што яго каманда кепска згуляла ў абароне і менавіта гэта перадвызначыла зыход сустрэчы.
4 студзеня. “Дынама-Маладзечна” – “Нёман” 5:4