Марыус Рапалiс пакінуў “Нёман” і развітаўся з заўзятарамі
У мінулым сезоне Рапаліс адгуляў у складзе гарадзенскага клуба 20 матчаў, з якіх у шасці пакінуў сваю браму «сухой».
На развітанне нам удалося звязацца з літоўскім галкіперам і ўзяць у яго невялікі каментар:
– «Мой запас рускіх словаў не вельмі вялікі, але мне б хацелася ад усёй душы падзякаваць клубу і гораду, а таксама выдатным гарадзенскім заўзятарам, якія ў незалежнасці ад выніку падтрымлівалі нас.
Што тычыцца маёй гульні, то не мне судзіць, хай ацэньваюць яе трэнеры альбо эксперты з заўзятарамі.
Вялікі дзякуй “Нёману”, што далі магчымасць пагуляць у беларускім чэмпіянаце. Зараз я вяртаюся дадому на Радзіму, у клуб “Тракай”.
У гэтай каманды вялікія планы на будучыню і мне гэта падабаецца.
Ды і галоўнае, што сям’я будзе побач. Каментаваць фінансавыя праблемы ў гарадзенскім клубе не ў маёй кампетэнцыі, але я вельмі хачу і жадаю, што б каманда справілася са сваімі праблемамі і выступіла ў новым сезоне лепш…».
Да пераезда ў 2013 г. у Гродна Марыюс гуляў у сябе на радзіме за віленскія “Жальгірыс” і “Ветру”, “Шаўляй”, “Судуву” (Мар’ямпале), дубль сімферопальскай “Таўрыі” (Украіна).
Папулярны нямецкі футбольны сайт Transfermarkt ацэньвае трансферны кошт 31-гадовага брамніка ў 150 тыс. еўра.