Польскія ВНУ распачалі барацьбу за гарадзенскіх абітурыентаў
Візіт запланаваны на 29-31 траўня. Удзел у ім могуць узяць як будучыя абітурыенты (вучні 11-х класаў), так і іх бацькі. Заявіцца на ўдзел у праграме могуць і тыя, хто плануе паступаць у магістратуру.
Праграма паездкі прадугледжвае наведванне беластоцкіх ўніверсітэтаў (навучальных аўдыторый, інтэрнатаў і г.д.), знаёмства з арганізацыяй навучальнага працэса, сустрэчы з выкладчыкамі, студэнтамі.
Арганізатары абяцаюць таксама пазнаёміць удзельнікаў праграмы з адметнасцямі Беластока.
Амааль усе выдаткі, звязаныя з паездкай у Беласток, бяруць на сябе арганізатары (акрамя 20 даляраў з чалавека ў якасці арганізацыйных выдаткаў).
Для ўдзелу ў візіце неабходна да 10 траўня запоўніць электронную анкету.
Дадатковую інфармацыю можна атрымаць праз электронную пошту [email protected]