Гарадзенскія заўзятары сабралі грошы для легіянера з Камеруна
Яшчэ перад стартам сёлетняга чэмпіянату кіраўніцтва пачало вяртаць велізарныя пазыкі, у якія патрапіў клуб.
З пазыкамі разлічыліся, але вось на заробкі новым гульцам грошаў не хапае.
Пасля чарговай паразы «жоўта-зялёных» каманда мела вельмі сур’ёзную размову з гарадзенскімі заўзятарамі.
Размова доўжылася каля 15 хвілін. За гэты час фанаты даведаліся, што футбалістам у чарговы раз не плацяць грошы.
А на пытанне: «Што робіць легіянер ў камандзе?», футбалісты адказалі, што камерунец Бебей атрымаў толькі 1 млн. за ўвесь час свайго знаходжання ў “Нёмане”.
Тады фанаты сабралі грошы на харчаванне для Бебея. Разам атрымалася каля 600 000 рублёў.
Гарадзенскія заўзятары не губляюць надзею, што ў бліжэйшы час каманда, нарэшце, пачне паказваць добрую гульню і набіраць ачкі.
Чарговую гульню чэмпіянату гарадзенцы правядуць у 23 траўня ў гасцёх супраць ФК “Мінск”.
Фота і відэа аўтара