Хутка лета: дзе адпачыць гарадзенцам?
Улічваючы тое, што матэрыяльныя магчымасці гарадзенцаў часта абмежаваныя, трэба падабраць аптымальны эканамічны варыянт. За дапамогай па гэтаму пытанню мы звярнуліся да спецыялістаў па турызму.
– Турысты, як і ў мінулыя гады, аддаюць перавагу традыцыйным напрамкам – Балгарыя, Турцыя i Егіпет. У асноўным любяць гэтыя краіны за іх гасціннасць і недарагія цэны на адпачынак. Ні адна краіна ў свеце не прадаставіць такога ўзроўню сэрвісу, харчавання, забаў за параўнальна сціплую суму. Асабліва добрыя гэтыя маршруты для адпачынку з дзецьмі. Таксама ў гэтым годзе папулярныя такія напрамкі, як Іспанія, Грэцыя і Кіпр. Але ў дадзеным выпадку мяркуецца больш актыўны адпачынак. Можна вельмі выдатна пракаціцца на арандаваным аўто па маляўнічых бухтах Грэцкіх востравоў, наведаць каларытную Барселону, забрацца на вулкан Тэйдэ на Тэнэрыфэ, або наведаць сярэднявечныя крэпасці на Кіпры, – распавяла спецыяліст у сферы турызму Ала Кудраўцава.
– Ці карыстаюцца попытам вылеты з Гродна?
– Вельмі папулярная ў гэтым годзе Балгарыя з вылетам з Гродна. Гэта цудоўнае рашэнне для сем’яў з маленькімі дзецьмі, якім здаецца доўгай дарога нават да Мінска. У гэтым годзе спраўдзілася мара шматлiкiх гарадзенцаў: цяпер злятаць адпачыць можна і з Гродна. І практычна з моманту з’яўлення гэтай прапановы на сайце тураператара яна стала карыстацца вялікай папулярнасцю. Цяпер турысты маюць магчымасць апынуцца на сонечным пляжы практычна праз 2-3 гадзіны з таго моманту, як яны пакінулі сваю кватэру. Нягледзячы на тое, што аэрапорт прылёту – Бургас, турысты могуць адправіцца на любы з курортаў Балгарыі.
– Крызіс адбіўся на гарадзенцах?
– Вядома ж, крызіс адбіўся на нас усіх. На жаль, не ва ўсіх ёсць магчымасць выдаткавацца на адпачынак за мяжой. Але мы вельмі спадзяемся, што сітуацыя стабілізуецца. Туры ў крэдыт магчымыя, таксама як і туры ў растэрміноўку.
align=”” width=”515″ height=”386″ >
– У якую суму можна ўкласціся, каб добра адпачыць на курортах?
– Кошт добрага адпачынку – паняцце вельмі расцяжнае. Усё залежыць ад запытаў турыста. У цэлым за 1500 у.а. можна злятаць летам з Мінска на 10 начэй на дваіх у добры гатэль. Але гэта ўсё вельмі індывідуальна.
Адпачынак на марах выдатны, але ён моцна б’е па бюджэце. Каб неяк зэканоміць можна прыдумаць незабыўны адпачынак і ў Беларусі. Аб гэтым мы раскажам у наступным выпуску.