ЛІТВА ПАКЛАПОЦІЦЦА ПРА СВАІХ
Узаконіць гэты дакумент прапанавала працоўная група юрыстаў створаная прэзідэнтам Літвы. Адпаведныя прававыя акты могуць быць падрыхтаваныя да канца года. Карта літоўца можа гарантаваць этнічным літоўцам, якія з’яўляюцца грамадзянамі Беларусі, роўныя з грамадзянамі Літвы эканамічныя, сацыяльныя і культурныя правы, магчымасць атрымліваць адукацыю, займацца гаспадарчай дзейнасцю на тэрыторыі Літвы. Літоўцы складаюць каля 1% насельніцтва гродзеншчыны, у вобласці захаваліся месцы кампактнага пражывання літоўскага насельніцтва, для якога Карта літоўца адкрые дадатковыя магчымасці. Старшыня грамадскага аб’яднання літоўцаў “Тэвіне” Альгіс Дзяргінчус: “Кожная краіна мусіць клапаціцца пра сваіх. Зараз, калі кожны думае, як ратаваць сябе, з Картай літоўца напэўна будзе лягчэй”. Кася КРОТ