“Маленькі Версаль” у Шчучыне стане цэнтрам творчасці
Будынак з’яўляецца адным з лепшых ўзораў пераходнага перыяду ад барока да класіцызму. Шчучынскія даследчыкі даўніны выявілі, што двайнік палаца Друцкіх-Любецкіх – гэта Малы Трыанон (архітэктар Габрыэль), які месціцца на тэрыторыі Версаля, рэзідэнцыі французскіх каралей (на здымку ніжэй).
Тут жа і лагічнае тлумачэнне знайшлося: князь Ксаверый Друцкі-Любецкі быў накіраваны Расійскай імперыяй паслом у Францыю, а вярнуўшыся на Радзіму змог дазволіць такую экстравагантнасць – стварыць для сабе “маленькі Версаль” прама ў Шчучыне.
Фотафакт: Гіганцкая выява Скарыны ўпрыгожыла фасад школы ў Шчучыне
Палац у Шчучыне быў збудаваны ў 1900 г. віленскім архітэктарам Раствароўскім.
У 1939 г. савецкая ўлада перадала будынак вайскоўцам і да сярэдзіны 90-х гг. тут месціўся Дом афіцэраў.
Пасля таго, як са Шчучына з’ехалі ваенныя лётчыкі, будынак паступова прыйшоў у заняпад.
Трывогу з нагоды гаротнага стану помніка архітэктуры забіў мясцовы краязнаўца Уладзімір Глаз.
Палац пасля рэканструкцыі адчыняць 6 верасня, у Дзень беларускага пісьменства.
Тут размесціцца раённы цэнтр творчасці дзяцей і моладзі.
Чытай таксама:
Фота аўтара