Дзень нараджэння заапарка: дзіцячае свята і ніякай гісторыі
Дзіўна, але кіраўніцтва заапарка ў гонар свята не падаравала жыхарам і гасцям горада бясплатнага ўваходу. А былі і такія, хто разлічваў на свабодны праход у дзень нараджэння звярынца.
Усім, хто патрапіў у гэты дзень у госці да жывёл, удалося не толькі паглядзець на іх, але і паўдзельнічаць у стварэнні спецыяльных тартоў з агародніны, якiя ў потым панеслі ў вальеры.
Дзецям дазвалялі бясплатна катацца на поні да гадзіны дня, а таксама свабодна праходзіць у “Бабулін дворык”. Публіку забаўлялі танцамі, песнямі і рознымі конкурсамі.
Дзецям было весела, а вось пра дарослых кіраўніцтва не падумала. Напэўна, трэба было зрабіць упор на які-небудзь спецыялізаваны стэнд, дзе распавядалі б пра заапарк у старых здымках. Свята апынулася выключна дзіцячым.
Вось прыклад, як можна было зрабiць стэнд са старых здымкаў.
Даваенныя фатаграфіі заапарка:
Гарадзенскі заапарк – першы, найбуйнейшы па калекцыі і доўгі час адзіны ў Беларусі. Годам заснавання лічыцца 1927, калі ў батанічным садзе мужчынскай гімназіі адкрыўся заалагічны аддзел. У цяперашні час калекцыя заапарка налічвае больш за 3 тысячы жывёл. Ён знаходзіцца каля чыгуначнага вакзала і займае плошчу ў 5,35 га.
Чытайце таксама:
Фотапараўнанне: Як змяніўся гарадзенскі заапарк за апошнія дзесяцігоддзі
Кенгуру любіць цыбулю, тукан – садавіну. Чым харчуюцца жывёлы ў Гродзенскім заапарку
Слон у Гродне: гісторыя ад пачатку да нашых дзён
Князь Шархан і яго сяброўка Тайга: знаёмімся з гарадзенскімі тыграмі