Адныя на палігон, іншыя на могілкі. Навошта прыбіраюць і куды вывозяць лісце з паркаў і вуліц Гродна?

|

sub=” ” >

 

У прыродзе лісце на зямлі забяспечвае абарону глебы і яе дробных насельнікаў, а таксама каранёў дрэў ад вымярзання. Перагной, у які ператвараецца лісце пасля зімы, з’яўляецца галоўнай крыніцай спажыўчых рэчываў для раслін. Усё, што дрэвы бяруць ад зямлі, яны вяртаюць ёй з апалым лісцем.

 

У горадзе прастора рэгулюецца не толькі натуральнымі з’явамі, але і нормамі закону. Па санітарных нормах, што існавалі ў Беларусі ад 2003 года, прыбіраць ўсю тэрыторыю населеных пунктаў ад апалага лісця трэба было абавязкова. Таксама дакумент прадугледжваў вываз лісця для кампаставання на палі ці спецыяльна адведеныя дзялянкі.

 

Нормы змяніліся ў 2009 годзе. Новая рэдакція СанПіН №143 “Гігіенічныя патрабаванні да ўтрымання тэрыторый населеных пунктаў” больш не прадугледжвае ўборкі лісцеў.

 

 

У Гродне лісце па-ранейшаму збіраюць і вывозяць. Уборкай горада займаюцца некалькі арганізацый. Гродназелянбуд адказвае за паркі і скверы, на дарогах і тратуарах чысціню забяспечвае Спецаўтагаспадарка, а дваровыя тэрыторыі парадкуюць УЖРЭПы раёнаў.

Лісце з газонаў у парку імя Жылібера спачатку зграбаюць у кучы. Гэта робяць працаўнікі “Гродназелянгаса”.

 

Пенсіянерка Ніна Іванаўна працуе дворнікам у “Спецаўтагаспадарцы”. Штодня яна вычышчае лісце на адной з дзялянак уздоўж вуліцы Курчатава


Тэрыторыя ў раёнах старой забудовы вельмі хутка пакрываецца новым слоем лістоты. Дворнікаў УЖРЭПаў чакае многа працы


Яшчэ не паспелі вывезці сабранае лісце з двара, як ужо нападала новае

 

Акрамя таго, амаль кожная з гарадскіх установаў мае ў штаце ўласнага дворніка, каб утрымліваць у чысціні сваю тэрыторыю.

 

Пенсіянер Дзядзька Міша працуе дворнікам у тэатры лялек і штодня змятае тут лісце. Гэтым разам да яго нечакана далучыўся дабраахвотны памагаты Валера, якому ўсяго 1 год і 4 месяцы. Яго мама Таццяна не дае рады адолець працоўны пыл малога.


Валера асвойвае працоўныя навыкі па навядзенні чысціні ў горадзе.


Майстры Гродназелянбуда ў адказ на пытанні пра ўборку лістоты тлумачаць, што ў восеньскім Гродне гэта абавязковая штодзенная працэдура, на якую даведзены нормы і расцэнкі. Аляксандр Луневіч выказвае меркаванне, што прычынай поўнай уборкі лісця можа быць небяспека для газона: “Калі таўшчыня і шчыльнасць лісцевага пакрова вялікія, то трава можа сапрэць”. Дапаўняе Ала Яроцкая: “Спачатку з газонаў і сцежак асобна збіраецца смецце – пластык ці папера, потым граблямі выграбаецца лісце, а сцежкі падмятаюцца”. Потым лісце з парка вывозіцца на палігон каля вёскі Трычы.

 

Майстры “Гродназеленбуда” Ала Яроцкая и Аляксандр Луневіч кіруюць працай па ўборцы апалага лісця ў парку імя Жылібера.


На газоны ў парку падае не толькі лісце з дрэў. Тут можа трапляцца і пластык ці брудная папера.

 

Ад лісця з вуліц папярэдне аддзяляецца бруднае і хворае, яно вывозіцца на палігон цвёрдых бытавых адкідаў, паведаміла “Зялёнаму парталу Гродзеншчыны” Алена Грэсь, намесніца начальніка 2-га ўчастка добраўпарадкавання “Спецаўтагаспадаркі”. Чыстае лісце адпраўляецца ў Аўльс, на могілкі.

“Чыстае” лісце  “Спецаўтагаспадарка”  збірае, напрыклад, каля Кургана Славы па вуліцы Касманаўтаў. Адсюль яго прывозяць ў Аўльс.


0 align=”” width=”725″ height=”484″ >

1 align=”” width=”725″ height=”320″ >

Справа на здымку “зімовы” сектар могілкаў, закрыты слоем лісцеў. Па словах начальніка ўчастка грамадзянскага абслугоўвання  “Спецаўтагаспадаркі” Віктара Чумічова, пры такім уцяпленні грунта ў мароз яго лягчэй капаць.

 

2 >


Аляксандр Адаменка, начальнік аддзела дзяржаўнага кантролю за выкарыстаннем зямель, расліннага і жывёльнага свету Гродзенскага абласнога камітэта прыродных рэсурсаў і аховы навакольнага асяроддзя адзначыў, што ад пакінутага лісця шкоды для прыроды не было б, а для падтрымання  біяразнастайнасці гэта карысна.


Святлана Дмітрыева, намеснік старшыні камітэта адзначае, што чысціня ў гарадскіх парках прывучае гаражан падтрымліваць парадак і ў навакольных лясах: “У час правядзення апошніх акцый па ўборцы прыгарадных лясоў мы адзначылі, што ў некаторых месцах, дзе раней узнікалі стыхійныя звалкі, больш не кідаюць смецця. Гэта значыць, расце культура, бо людзі ў горадзе пастаянна бачаць добры прыклад”. Яна лічыць, што вываз лісця з горада не наносіць яму вялікай шкоды. Аднак абодва прадстаўнікі камітэту сказалі, што гэта толькі іх уласнае меркаванне – гарадскія нарматывы наконт гэтага адсутнічаюць.

 

Загадчыца аддзялення камунальнай гігіены Абласнога цэнтра гігіены, эпідэміялогіі і грамадскага здароўя Аксана Філіпчук адзначыла, што незалежна ад наяўнасці ці адсутнасці узгадкі пра лісце ў нарматыўным дакуменце, неабходнасць чысціні ніхто не адмяняў. Пакуль у горадзе няма адмысловых мясцовых рашэнняў, патрабаванні застануцца ранейшымі. Лісце, як і астатняе смецце, неабходна прыбіраць і вывозіць. Да таго ж, на яе думку, газоны без лісця ў парках “візуальна ўзмацняюць адчуванне чысціні”.

 

Санстанцыя патрабуе выграбаць газоны “да апошняга лісціка”.

 

3 align=”” width=”725″ height=”108″ >

 

Першымі ў Беларусі адрэагавалі на магчымасць спыніць барацьбу з лісцем ў Мінску. У 2013 годе гарадскі савет дэпутатаў зацвердзіў правілы добраўпарадкавання, па каторых лісце з горада выдаляецца выбарачна. З праезжай часткі вуліц, тратуараў, а таксама з адлегласці ў 10 метраў ад іх, з двароў ля жылых дамоў лісце вывозяць цалкам. У парках і скверах ачышчаюць толькі дарожкі і тэрыторыю ў 5 метраў паабапал. У астатніх месцах лісце застаецца да вясны. Пра мэтазгоднасць выбарачнай уборкі ў сеціве выказваліся прадстаўнікі Мінскага гарадскога камітэта прыродных рэсурсаў і аховы навакольнага асяроддзя Аляксандр Баравікоў і Таццяна Шэмянкова, навуковец-дэндрролаг з інстытута эксперыментальнай батанікі Нацыянальнай акадэміі навук Максім Ярмохін. Іх меркаваннем, выбарачная уборка дазваляе вытрымаць баланс паміж інтарэсамі прыроды і бяспекай для чалавека.

 

З 2014 года адмовіліся ад агульнай уборкі лісця ў Магілёве. Старшыня гарвыканкама Уладзімір Цумараў акрамя магчымасці захавання экалагічнага балансу звярнуў увагу і на эканаміны бок справы – частковая адмова ад уборкі дазволіць эканоміць грошы з гарадскога бюджэту.

 

Урад Масквы таксама зацвердзіў свае “Правілы стварэння і ўтрымання зялёных зонаў”. Паводле дакумента лісце збіраецца ўздоўж гарадскіх магістралей на шырюню 25 метраў, на раённых вуліцах па 10 метраў, а ў паркавых зонах на 5 метраў ад сцежак. Прычым актывісты экалагічнага руху пільна сочаць  за выкананнем гэтага правіла. Вядомы выпадкі, калі яны рассыпалі на газоны сабранае дворнікамі лісце.

 

Патрабаванне пакідаць лісце пад дрэвамі і кустамі ў лесапарках, парках, садах і скверах ёсць ва ўкраінскіх “Правілах утрымання зялёных насаджэнняў у населеных пунктах”. Гэты дакумент дзейнічае ад 2006 года.

 

Атрымліаецца, што зараз у суседскіх парках лісце жаўцейшае, але ў хуткім часе, магчыма, і трава ў іх будзе зелянейшаю.