Маладыя майстры з Гарадзеншчыны паспрабуюць скарыць Абу-Дабі

|

Адна з умоваў конкурса тычыцца ўзросту ўдзельнікаў. Маладыя каменшчыкі, зваршчыкі, абліцоўшчыкі, закройшчыкі, парыкмахеры і дызайнеры адзення павінны быць не старэйшымі чым 1995 года нараджэння. Падавалі заяўкі на ўдзел у спаборніцтвах і навучэнцы, і нядаўнія выпускнікі прафесійных навучальных установаў горада.

 

Лепшыя майстры рэгіянальнага конкурса возьмуць удзел у рэспубліканскіх спаборніцтвах, што пройдуць у Мінску ў маі. Пераможцы прадставяць краіну на фінальным міжнародным турніры, што пройдзе ў сталіцы Аб’яднаных Арабскіх Эміратаў  – Абу-Дабі.

 

Конкурсы прафесійнага майстэрства WorldSkills праводзіцца раз на два гады міжнароднай некамерцыйнай арганізацыяй WorldSkills International з 1946 года. Беларусь далучылася да ініцыятывы ў 2014 і стала 68-ым  членам арганізацыі. Зараз конкурс аб’ядноўвае ўжо 72 краіны-удзельніцы.