У Гродне затрымалі групу збытчыкаў небяспечных псіхатропаў
Для пошуку кліентаў выкарыстоўваўся інтэрнэт, усе разлікі праходзілі безнаяўна. Таксама затрыманыя прадавалі псіхатропы наўпрост сваім знаёмым, паведаміў афіцыйны прадстаўнік УСК па Гродзенскай вобласці Сяргей Шаршаневіч.
У ходзе ператрусаў і аглядаў жылля, а таксама ў выяўленых тайніках канфіскавана значная колькасць рэчываў, прызнаных экспертамі асабліва небяспечнымі псіхатропамі. У выніку аналізу інфармацыі з канфіскаваных электронных носьбітаў устаноўлена звыш 140 фактаў збыту псіхатропаў.
Следчыя распачалі восем крымінальных спраў, у тым ліку пяць – па фактах збыту псіхатропных рэчываў (ч.3 арт.328 КК) і тры – па фактах іх незаконнага абароту без мэты збыту (ч.1 арт.328 КК). Да трох ўдзельнікаў злачыннай групы з санкцыі пракурора прыменена мера стрымання ў выглядзе заключэння пад варту. Накладзены арышт на іх маёмасць, уключаючы аргтэхніку і аўтамабіль.
Для далейшага расследавання крымінальнай справы створана следчая група з ліку супрацоўнікаў, якія спецыялізуюцца на расследаванні падобных злачынстваў. Вядзецца далейшая актыўная праца, накіраваная на высвятленне ўсіх абставін супрацьпраўнай дзейнасці групы.