З Мілашам Голанем не працягнулі супрацоўніцтва
За сезон працы, пры Голане, гарадзенскія хакеісты сталі чацвёртымі ў рэгулярным чэмпіянаце Беларусі. У паўфінале плей-оф яны саступілі “Юнацтву” (1:4). А задачай, што ставіла кіраўніцтва “Нёмана” перад трэнерам, была барацьба за медалі.
Сам спецыяліст не лічыць сваю працу ў гарадзенскім клубе правальнай. Мiлаш Голань не раз заяўляў, што ў Гродна яму падабаецца і ён гатовы быў працаваць хоць пяць гадоў.
Яшчэ раней спецыяліст пракаментаваў сваю працу: “Сам сезон ацэньваю вельмі добра. Складаны для нас год з самага пачатку. Але ў выніку да каманды няма прэтэнзій: хлопцы паказалі максімум. Гулялі на мяжы магчымасцяў. Так, у некаторых момантах, пра гэта ўжо казаў на прэс-канферэнцыі пасля паўфіналу, не хапала майстэрства, аднак у цэлым я задаволены“.
Па чутках, на пасаду новага галоўнага трэнера гарадзенскай каманды прэтэндуюць Васіль Спірыдонаў і Сяргей Пушкоў.