Напоўніць “Скрынку смеласці” колерамі і дабрынёй запрашае Дзіцячы хоспіс
Да акцыі “Скрынка Смеласці”, арганізаванай сямейным цэнтрам Кацярыны Каўровай, ужо далучыліся шматлікія арганізацыі і дабраахвотнікі з іншых гарадоў краіны, а зараз шанец аказаць маральную падтрымку дзецям, што знаходзяцца на працяглым лячэнні і рэабілітацыі, з’явіўся і ў гарадзенцаў.
У працэдурных кабінетах лячэбных устаноў дзеці штодня пераадольваюць страх і боль. Пераадолець іх дапамогуць лягчэй прайсці непрыемныя медыцынскія працэдуры дапамогуць “Скрынкі смеласці”. Яны напоўнены вясёлымі гіпсавымі фігуркамі, і перад працэдурай дзіця выбірае адтуль любую з іх, каб яна надала яму смеласці.
Падчас правядзення акцыі гіпсавыя статуэткі з запаветных “Скрынак Смеласці” пакрыюцца фарбамі і напоўняцца пазітыўным настроем людзей, якія будуць іх размалёўваць. Свой уклад у добрую справу унясуць: Аляксандр Луцэнка, акцёр Гродзенскага абласнога драматычнага тэатра, Лілія Даўкша, дэкан факультэта псіхалогіі ГрДУ ім. Я. Купалы, Уладзімір Татарнікаў, пастар лютэранскай царквы і яго жонка Ірына, Аляксандр Панамароў, дырэктар Гродзенскай абласной установы фінансавай падтрымкі прадпрымальнікаў, прадстаўнікі ДАІ УУС Гродзенскага аблвыканкама, Гродзенскага Абласнога Упраўлення ААТ “АСБ БЕЛАРУСБАНК” і іншыя сацыяльна актыўныя людзі Гродна.
Далучыцца да творчага працэсу роспісу гіпсавых фігурак, які будзе праходзіць пад пільным кіраўніцтвам дызайнера Святланы Пінчук, змогуць усе жадаючыя.
Пад час акцыі ў OldCity таксама пройдуць:
-выступы калектываў у рамках праграмы “Ведай нашых”
-выступы і майстар-клас па бальных танцах ад калектыва “Сінтэз”
-выступ і майстар-клас ад творчай прасторы ДОМ 46
-выставка работ цяжкахворых дзяцей, што знаходзяцца пад апекай хоспіса.