“Варвары” біліся, але зноў прайгралі “Рысям”
Матч праходзіў у Гродне.
Мясцовая каманда хацела адпомсціць “Рысям” за зневажальную паразу ў Віцебску, калі гарадзенцы гулялі ў аслабленым складзе.
Аднак зрабіць гэта гарадзенскім хлопцам не атрымалася, бо госці прыехалі ў горад над Нёманам толькі перамагаць.
Перамога над “Варварамi” азначала для “Рысяў” гарантаванае першае месца ў турнірнай табліцы і выхад у фінал.
Госці з самага пачатку завалодалі ініцыятывай і ўжо да канца першай паловы вялі з лікам 21:0.
Да вялікага перапынку гарадзенцы здолелі адыграць 6 ачкоў, дзякуючы ўдалай гульні Мікалая Лапкоўскага. Ён жа прынёс пазней сваёй камандзе яшчэ 6 ачкоў.
Але ў другой палове “Рысі” не пакінулі шанцаў “Варварам” і здолелі павялічыць перавагу.
Выніковы лiк сустрэчы 14:41 на карысць віцебскай каманды.
align=”” width=”725″ height=”544″ >
“Гулялі з лідэрам, у іх каманда вельмі моцная і тактычна больш падрыхтаваная. Наша каманда ў нейкіх момантах сябе нядрэнна паказала, але згуляла дрэнна абарона. У нас ёсць час, будзем працаваць” – сказаў пасля гульні галоўны трэнер гарадзенцаў Аляксей Серабракоў
Да 30 ліпеня ва Усходняй Лізе Амерыканскага Футбола будзе перапынак. За гэты час “Варвары” плануюць не толькі фізічна падрыхтавацца, але і сур’ёзна папрацаваць над тактыкай. Гарадзенскім футбалістам, каб выйсці ў фінал, трэба выйграть адну з двух гульняў, якія іх чакаюць.
Напярэдадні сустрэчы з “Рысямі” склад “Варвараў” узмацніў амерыканец з Індыяны Брэнт Грэгары.
Пра яго мы раскажам зусім хутка ў асобным матэрыяле.
