У Лідзе зачынілі школы. Чарга за Гродна?
На каранцін таксама зачынены мастацкі коледж у пасёлку Мір.
Па звестках упраўлення аховы здароўя Гарадзенскага аблвыканкама, штодзень да дактароў за медыцынскай дапамогай звяртаюцца каля паўтары тысячы чалавек. Кожны трэці з іх хворы на грып.
>
Гарадзенскія медыкі прызнаюць таксама выяўленне “адзінкавых” выпадкаў захворванняў на грып А/Н1N1, але дакладных звестак не агалошваюць, спасылаючыся на неабходнасць падцверджання гэтых фактаў у лабараторыі ў Мінску.
У вобласці назіраецца таксама рост захворванняў на запаленне лёгкіх. Па стане на 9 лістапада было зафіксавана 487 хворых. Некаторыя з іх знаходзяцца ў рэанімацыі.
Смяротных выпадкаў ад запалення лёгкіх у вобласці, па словах начальніка аддзела аховы здароўя Гарадзенскага аблвыканкама Ільі Епіфанава, сёлета не было.
Між тым па горадзе актыўна ходзяць чуткі пра двух памерлых, у арганізме якіх быў выяўлены вірус свінога грыпу.
У гарадзенскіх аптэтах па-ранейшаму няма папулярных супрацьвірусных сродкаў – арпетола і арбідола. Дэфіцытам застаецца аксалінавая мазь.
Міністэрства аховы здароўя днямі надрукавала спіс прэпаратаў, якімі можна замяняць дэфіцытныя лекі:
|
Назва лекаў |
Магчымая замена |
|
Арбідол, Арпетол |
Кагацэл, Гропрынасін |
|
Рэмантадзін |
Амантадзін (мідантан), АнГрыМакс, ПК-Мерц |
|
Чалавечы лейкацытарны інтэрферон |
Віферон, Кіпферон |
|
Аксалінавая мазь |
Бутамінафенавая мазь, мазь «Бараментол», «Пінасол» мазь, крэм, каплі ў нос |
|
Асцылакаккцыюм |
Анаферон |