ЛДПБ, АГП, БНФ рыхтуюць кандыдатаў на выбары
Найбольш амбітныя планы ў Ліберальна-дэмакратычнай партыі Беларусі.
Вышэйшая Рада рэкамендуе абласному кіраўніцтву выставіць да ўдзелу ў выбарах 150 кандыдатаў. Хаця апошняе слова ў прыняцці рашэння застанецца за мясцовай радай партыі.
Кіраўнік абласной арганізацыі Аб’яднанай грамадзянскай партыі паведаміў “ТС”, што за месцы ў Гродзенскім Савеце дэпутатаў пазмагаюца шэсць сябраў партыі, яшчэ чацьвёра будуць балатавацца па вобласці.
Партыя БНФ прыме канчатковае рашэнне сёння ўвечары.
Старшыня абласной арганізацыі партыі Сяргей Мальчык:
“Сёння будзе паседжанне Рады, вырашым пытанне па горадзе. Думаю, будзе 3-6 кандыдатаў.
Па раёнах таксама пакуль толькі прыкладныя лічбы: Ліда – 1-3 чалавекі, некалькі чалавек у Слоніме, Смаргонь, Масты – па адной асобе, 1-2 у Бярозаўцы…”.