Гарадзенскі ўніверсітэт сабраўся ў Расію

|

Пра гэта было заяўлена на семінары “Суперкамп’ютэрныя і ГРЫД-тэхналогіі ў навуцы і адыкацыі”, які адбыўся нядаўна ў Беларускім дзяржаўным універсітэце.

Гарадзенскі ўніверсітэт з’яўляецца адным з выканаўцаў беларуска-расійскай праграмы па распрацоўцы суперкампутарных вылічальных сістэм “СКІФ-ГРЫД”.

Кіруе гэтым праектам у Гродне рэктар універсітэта Яўген Роўба.

 Ядром праекта з’яўляецца суперкампутар “СКІФ”, які аб’ядноўвае вялікую колькасць працэсараў, што дазваляе яму выконваць адначасова некалькі задач.

Урачыстае адкрыццё Гарадзенскага рэгіянальнага сегмента Нацыянальнай ГРЫД-сеткі і суперкампутара СКІФ – К-1000.1. адбылося яшчэ 16 снежня мінулага года.

Суперкампутарны кансорцыюм універсітэтаў Расіі быў створаны ў 2008-м г. чатырмя расійскімі ўніверсітэтамі (у тым ліку Маскоўскім Дзяржаўным універсітэтам імя Ламаносава).

Яго мэтай з’яўляецца выкарыстанне патэнцыяла вышэйшай школы для развіцця і ўкараненя суперкампутарных тэхналогій у расійскую адукацыю, навуку і прамысловасць.

Беларускія спецыялісты спадзяюцца, што ўдзел у працы Кансорцыюма дазволіць атрмаць доступ да суперкампутарных тэхналогій Расіі і палепшыць якасць навучання беларускіх спецыялістаў у галіне кампутарных тэхналогій.

 

На здымку: урачыстая цырымонія адкрыцця суперкампутарнага цэнтра ў Гродне.

Фота grsu.by