Алеся Кіркевіча выклікалі ў суд па тэлефоне (абноўлена)
Алесь Кіркевіч быў затрыманы гарадзенскай міліцыяй 22 лютага ўвечары.
Хлопца прывялі ў пастарунак, дзе канфіскавалі 23 асобнікі выдання і склалі пратакол аб адміністратыўным правапарушэнні.
У канфіскаваным нумары “Хрысціянскай абароны” сярод іншых матэрыялаў утрымлівалася карыкатура на былога кіраўніка гарадзенскага аблвыканкама Уладзіміра Саўчанка, які быў звольнены з гэтае пасады “па стане здароўя”.
Разгляд справы ў судзе Ленінскага раёна Гродна заняў каля 30 хв.
Алесь Кіркевіч быў аштрафаваны на адзін міліён двесці дваццаць пяць тысячаў рублёў, але збіраецца абскардзіць гэтае пакаранне.
Фота Ланы Руднік