Гарадзенцы спачуваюць польскаму народу

|

Брама консульства завешаная вянкамі і кветкамі, сярод якіх змешчаны партрэт Леха Качыньскага і яго жонкі Марыі, якая загінула разам з ім.

>

Ля ўваходу ў консульства амаль кожную хвіліну спыняюцца мінакі. Многія адмыслова прыходзяць сюды, каб ускласці кветкі, памаліцца за загінулых у авіякатастрофе.

Ад 10 красавіка ў Генеральным консульстве ў вольным доступе выкладзена жалобная кніга.

Сёння з ранку на вачах у карэспандэнта “Твайго стылю” свой запіс у ёй пакінулі некалькі дзесяткаў гарадзенцаў.

Жалобная кніга будзе даступная ад 10.00 да 20.00 да серады.

Лех Качыньскі загінуў ранкам 10 сакавіка пад Смаленскам.

Разам з ім на борце ўрадавага самалёта знаходзілася вялікая колькасць палітычных, грамадскіх, рэлігійных дзеячоў, камандуючыя ўсіх родаў польскага войска.

Польская дэлегацыя накіроўвалася ў Катынь, каб ўшанаваць памяць пра расстраляных тут 70 год таму па загаду Сталіна афіцэрах Войска Польскага.

Усяго ў авіякатастрофе загінула 96 чалавек.

Асноўнай версіяй прычын трагедыі застаецца памылка пілотаў, якія рашыліся на пасадку ва ўмовах кепскай бачнасці.

Сёння з раніцы ў Маскве пачалася працэдура апазнання загінулых.

Цела Леха Качыньскага ўчора было дастаўлена ў Варшаву і выстаўлена ў капліцы прэзідэнцкага палацу.

У бліжэйшы час стане вядома пра час і месца яго пахавання.

У суседніх Літве, Расіі і Ўкраіне з нагоды трагедыі абвешчана жалоба.

 

Фота Ланы Руднік