Шостая нічыя “Нёмана” і дзевятая гульня без перамогі
Каманды-суперніцы не здолелі забіць ніводнага гола.
Трэнеры каманд Уладзімір Журавель і Алег Радушка на прэс-канферэнцыі, якая адбылася пасля гульні, адзначылі, што гульня была жывая і каманды мелі роўныя шансы.
Уладзімір Журавель: “Да хлопцаў прэтэнзій няма, усе стараюцца, але пакуль магчымасці не супадаюць з жаданнямі.. .
Упершыню за 18 гадоў у “Шахцёра” не хапіла гульцоў для пратакола. Шмат траўмаваных”.
Трэнер “Нёмана” Алег Радушка:
“Згодны з Уладзімірам, шансы ў каманд былі роўныя. Жадання было шмат, але з гэтага нічога не атрымалася.
У другім тайме перавялі Надзіеўскага ў паўабарону толькі дзеля таго, каб ён не атрымаў другую жоўтую картку на хуткіх Балановічы і Сітко.
Але ў выніку ён усё адно яе атрымаў”.
Такім чынам, маючы толькі 6 ачкоў, “Нёман” застаецца на перадапошнім адзінаццатым радку турнірнай табліцы.
Салігорскі “Шахцёр” займае сёмае месца.
З выкарыстаннем матэрыялаў http://www.fcneman.com
Фота Яраслава Ванюкевіча