Тысячы дамоў без гаспадароў на Гродзеншчыне

Прычым у рэгістр пустуючых унесена 970 дамоў, у абарот удалося ўцягнуць 588. Яшчэ сваёй чаргі на абследаванне чакаюць амаль паўтары тысячы хат.

 

З-за несупадзенняў у законах, каб толькі зарэгістраваць дом як пустуючы, мясцовыя ўлады мусяць выкласці каля 1,5 мільёны рублёў. Знос дома абыходзіцца ў мільён. На дадзены момант у вобласці знеслі 982 дамы, якія былі прызнаныя старымі.

 

Яшчэ адна праблема – ваенныя гарадкі, як напрыклад, у Аульсе. Нікому не патрэбныя, яны стаяць і разбураюцца, становячыся прытулкам для бамжоў. Бо ўпарадкаванне і аднаўленне вельмі дорага абыходзіцца.

 

Наступнае праблемнае пытанне – ацэнка такой рухомасці. Пакупнікі ёсць, аднак ніхто не бярэ за прапанаваныя грошы. Пасля некалькіх аукцыёнаў часам такія будынкі аддаюць за базавую велічыню, а час згублены і становішча будынкаў яшчэ больш пагоршылася.

 

Прыцягнуць да адказнасці гаспадароў такіх напаўразбураных хат складана. Часта фактычныя гаспадары яго ёсць, а юрыдычна правы не замацаваныя. Бо каб аформіць гаспадару правы спадчыннасці на дом ад бацькоў, напрыклад, трэба заплаціць немалыя грошы, часам роўныя кошту самой хаты.

 

Як адзін з варыянтаў вырашэння праблемы агенцыя па дзяржаўнай рэгістрацыі і зямельным кадастры падрыхтавала прапановы па зніжэнні коштаў рэгістрацыі пустуючых дамоў. Але гэтага недастаткова, патрэбныя змены і на заканадаўчым узроўні.

Па матэрыялах “Гродзенскай праўды”