У гродзенскай краме затрымалі жанчыну з буклетамі і паветранымі шарыкамі
Міліцыю выклікала загадчыца крамы. Цяпер магілёўскую актывістку для тлумачэнняў выклікаюць у Ленінскі аддзел міліцыі Гродна.
К.Шацікава:
– “Мне сёння патэлефанаваў міліцыянт і запатрабаваў, каб я прыехала ў Горадню і дала паўторныя тлумачэнні, бо яго калега захварэў і яму даручана цяпер справа.
Акрамя таго, ён паведаміў, што адна з прадавачак пісьмова заявіла, што ў краме мы раздавалі друкаваную прадукцыю пакупнікам.
Пакупнікі, дарэчы, баранілі нас ад узброеных аўтаматамі міліцыянтаў. У міліцыі мяне пратрымалі больш за тры гадзіны.
Склалі пратакол апытання.
Я ім сама аддала буклеты. Патлумачыла, што там крамолы няма. Яны для жанчын”.
Крысціна Шацікава пакуль не вырашыла, ці ехаць у Горадню даваць тлумачэнні.
Пра кампенсацыю праезда міліцыянер не згадваў.
Паводле http://www.svaboda.org
Фота з сайта http://www.ucpb.org