![](https://dzh7f5h27xx9q.cloudfront.net/styl/images/cms-image-000011072.jpg)
У жудаснай аварыі пад Беластокам вінаваты кіроўца грузавіка?
Згодна з першай версіяй паліцыі, вінаватым у аварыі быў кіроўца аднаго з бусаў, які выехаў на паласу сустрэчнага руху, дзе і сутыкнуўся з цірам.
>
Эксперт, які працаваў на месцы здарэння, выказаў, аднак, іншае меркаванне.
Па яго версіі, кіроўца грузавіка сам выехаў на сустрэчную паласу, дзе сутыкнуўся спачатку з адным, а затым і з другім беларускімі мікрааўтобусамі.
Беластоцкая пракуратура вядзе зараз допыт кіроўцы грузавіка, які адмаўляе сваю віну. Шукаюць таксама і кіроўцу ціра, які ехаў за мікрааўтобусамі, але не прыпыніўся ў час аварыі.
Сёння ноччу на тым самым месцы (нацыянальная дарога №8 у раёне вёскі Радулі) адбылася яшчэ адна аварыя, у якой загінуў беларус.
Па звестках польскай паліцыі, 32-гадовы жыхар Гродна на аўтамабілі «Volkswagen Passat B3» выехаў на сустрэчную паласу, дзе сутыкнуўся з грузавым «Hyundai». Беларус памёр на месцы здарэння.
Фота РАР