Сёння Вышэйшая духоўная семінарыя ў Гродне святкуе 20-годдзе

|

Святкаванні распачаліся супольным спевам у семінарыйнай зале імя Яна Паўла II.

Гасцей прывітае кс. Рэктар Юзэф Станеўскі.

З нагоды ўрачыстасці навучальную ўстанову наведае Мітрапаліт Мінска-Магілёўскі арцыбіскуп Тадэвуш Кандрусевіч, чыімі намаганнямі была заснавана каталіцкая семінарыя ў Гродне, якая за гэты час падрыхтавала 168 святароў.

 

Арц.Кандрусевіч прачытае лекцыю, пасля чаго адбудзецца ўрачыстае занясенне ў спіс новых студэнтаў – семінарыстаў 1 курса.

У 12 гадзін у кафедральнай базіліцы пачнецца святочная Імша.

 

Напярэдадні юбілею духоўнай навучальнай установы яе выкладчыкі і семінарысты на чале з Гродзенскім біскупам Аляксандрам Кашкевічам здзейснілі пілігрымку ў Рым.

Пілігрымы наведалі магілу св.Антонія ў Падуі, санктуарый св.Францыска ў Асізі, магілу святога падрэ Піо, і атрымалі асабістае блаславенне Папы Бенедыкта XVI.

 

На фота: Семінарыя ў Гродне

Фота з сайта http://www.grodnensis.by