Уладзімір Панцялееў: мая скульптура сімвалізуе сімвал веры
Дамовіліся сустрэцца на месцы ўсталявання скульптуры: на скрыжаванні дарог паміж універсітэтам імя Янкі Купалы і праваслаўным саборам.
Не пазнаць сп. Уладзіміра было немагчыма: зірнеш на яго – і адразу скажаш “чалавек мастацтва”.
>
– Спадар Уладзімір, кажуць, што існавалі цяжкасці з месцам усталявання скульптуры. Гэта так?
– Я атрымаў бласлаўленне ад самога Уладыкі Арцемія, перш чым узяцца за замову.
Я праваслаўны чалавек, і мая скульптура сімвалізуе сімвал веры.
Так, у апошні момант перад усталяваннем скульптуры ўзнікла праблема.
Спачатку скульптуру хацелі развярнуць гэтак жа, як стаіць сам сабор: тварам да кірхі. Але ад гэтай задумы адмовіліся.
Для таго, каб вызваліць неабходнае для скульптуры месца, давялося перанесці ў іншыя месцы невялікую праваслаўную крамку і кіёск “Белсаюздруку”.
Ад агароджы сабора скульптура павінна была стаяць у сямі метрах, але ўмяшаліся “цепласеткі” і не дазволілі зрабіць гэта.
Пазней была гаворка пра тое, каб паставіць скульптуру бліжэй да сабора, але і ад гэтага варыянта давялося адмовіцца, бо гэта тэрыторыя Крыжовага шляху і месца пажарнага ўезду на тэрыторыю сабора.
|
|
|
– Як доўга Вы працавалі над гэтай замовай ад Епархіі?
– Паўтара гады. Пры вырашэнні пытанняў, звязаных з кампазіцыяй і формай скульптуры давялося ўлічваць спецыфіку замовы.
І ўсё ж я, як аўтар, таксама меў магчымасць выказваць і адстойваць сваё меркаванне.
Скульптура Маці Божай была асвечана 14 кастрычніка на свята Пакроў Найсвяцейшай Багародзіцы.
Фота Яраслава Ванюкевіча і Асі Славіньскай