У барацьбе за адмену рабства
У рамках акцыі ў кінатэатрах краіны адбудуцца тэматычныя мерапрыемствы для навучэнцаў вышэйшых і сярэдніх спецыяльных навучальных устаноў, якія могуць быць патэнцыйнымі ахвярамі злачынцаў.
У праграме — інтэрактыўныя дыскусіі па праблеме гандлю людзьмі, віктарыны на веданне правілаў бяспечнага выезду за мяжу.
Кульмінацыяй мерапрыемства стане паказ дакументальнага фільма «Нялюдзкі трафік».
Фільм распавядае аб трагічных гісторыях дзяўчат, што трапілі ў сэксуальнае нявольніцтва ў розных краінах Еўропы.
У Гродне акцыя пройдзе 3 снежня ў кінатэатры “Кастрычнік”.
Мерапрыемства прымеркавана да Міжнароднага дня барацьбы за адмену рабства, які адзначаецца па ініцыятыве ААН штогод 2 снежня.