Алесь Кіркевіч сустрэўся з жонкай
Спатканне адбылося ў турме КДБ учора.
Надзея Кіркевіч:
Алесь трымаецца добра, выглядае нармалёва, усміхаецца, шмат жартаваў.
Гаварылі аб усім: пра планы, пра навіны, пра родных і сяброў.
Першае пытанне Алеся было пра тое, ці сапраўды такія чэргі за валютай і так даражэюць прадукты, бо, кажа, мы чытаем, і проста не верыцца.
Вельмі рада, што атрымалася ўбачыцца з Алесем! Вельмі спадзяюся, што яшчэ хаця б адно спатканне дадуць, гэта вырашае суддзя.
Калі сёння жонка Алеся Кіркевіча прынесла яму перадачу, аказалася, што ў турме КДБ яго ўжо няма.
Куды перавялі хлопца жонцы не адказалі.
Надзея: Паехала на Валадарку – там таксама няма… Можа не паспелі яшчэ паперы аформіць… Праз гадзіну паеду зноў, буду шукаць.