“ Байкерская мода стала высокай” або “што ж такое мотаботы?”
Упершыню ў гісторыі Haute Couture матацыклетную куртку стварыў Ів Сэн-Ларан.
За гэта тады яшчэ малады дызайнер паплаціўся месцам ў Доме Christian Dior.
Зараз жа байкерскі стыль з’яўляецца агульнапрызнаным і часта элементы з яго выкарыстоўваюць у сваіх калекцыях самыя модныя дызайнеры свету.
“ Скураная вопратка, доўгія валасы….што яшчэ можна убачыць на матацыклістах?”- думала я, накіроўваючыся на байк-фэст “Хавайся ў бульбу!”.
Але аказалася, што чорная байкерская куртка ўжо не з’яўляецца абавязковым атрыбутам кожнага байкера.
На фэсце вялікая колькасць байкераў была ў спецыяльных касцюмах з прагумованай тканіны (пры чым, не толькі на ўладальніках спартыўных мадэляў матацыклаў).
Распаўсюджаныя ў байкерскім асяродку зараз таксама скураныя жылеты і жылеты з уцепленага джынса.
Усё гэта упрыгожана тэматычнымі значкамі і нашыўкамі (эмблемы байкерскіх клубаў (дарэчы, у нашым горадзе іх два: “Насарогі” і “Грызлі”), маркі і мадэлі матацыклаў, значкі з розных байк- фэстаў).
На руках у некаторых былі скураныя чорныя пальчаткі (яны добра ахоўваюць рукі падчас руху на матацыкле, а таксама, аздобленыя заклёпкамі або скураной бахрамой, выглядаюць вельмі стылёва).
На байк-фэсце байкеры набывалі сабе і майкі з рознымі прышпільнымі надпісамі (для матацыклістаў з добрым пачуццём гумару), таксама з эмблемамі матацыклаў, выявамі рок-зорак, дзікіх жывёл.
Клапоцяцца байкеры і аб знешнім выглядзе сваіх стальных коней. Для іх ўпрыгожвання байкеры часта выкарыстоўваюць натуральны мех.
Як аказалася, самі байкеры зусім не любяць гаварыць аб модзе. Як, дарэчы, не любяць і само слова “байкер”.
“Якія мы байкеры? Мы – матацыклісты!” – сціпла адказвалі яны. Аб тым, якая ж яна –” байкерская мода”, расказаў байкер з Гродна Максім: “ Байкерская мода – гэта ў першую чаргу бяспека.
У мотаруху ўсе імкнуцца да бяспекі. Таму на ўсіх элементах адзення байкера прысутнічае абарона ад магчымых пашкоджанняў.
Калі ўзяць, да прыкладу, куртку байкера, яна ахоўвае чалавека вельмі добра: у ёй ёсць ахова спіны, плячэй, лакцей, а ў некаторых і ахова паясніцы.
Існуюць таксама камплекты аховы для ног , у першую чаргу каленяў. Таксама байкеры карыстаюцца спецыяльным абуткам. У байкерскім асяродку іх называюць мотаботы.
Яны ахоўваюць нагу байкера не толькі ад пералому, але і ад вывіху. Мотаботы зроблены з натуральнай скуры, але з выкарыстаннем пластыка.
Увогуле, для байкера ў першую чаргу стаіць не прыгажосць і камфорт, а менавіта бяспека.”
Як мусіць выглядаць дзяўчына байкера, падзялілася сваім меркаваннем Галіна
Аказалася, што доўгія немытыя валасы ў байкераў засталіся далёка ў мінулым. Зараз байкеры з задавальненнем карыстаюцца ўсімі сучаснымі дасягненнямі мастацтва прычосак. Аб гэтым падрабязней распавяла Ліса
Што робяць з валасамі для байкерскіх злётаў by t-styl
На галаве ў байкераў акрамя звыклых ужо банданаў можна было бачыць і цікавыя скураныя шляпы ручной працы.
Байкерскі стыль пачынае пранікаць у высокую моду і спрабуе заваёўваць сусветныя подыумы.
Вядомы англійскі брэнд Burberry у сваёй калекцыі вясна-лета 2011 замест папулярнага “мілітары”(ваенны стыль) выкарыстаў менавіта байкерскую тэматыку.
Іх новая калекцыя адзення мае назву “Heritage Biker” (спадчына байкера).
Таму ўсім моднікам у гэтым сезоне рэкамендуецца апранацца ў байкерскім стылі.
“Спадчына байкера” зараз як ніколі актуальная.