Дачка і ўнукі Бельскага наведалі Гродна
З нагоды 70-й гадавіны пачатку Вялікай Айчыннай вайны Беларусь наведалі некалькі дэлегацыяў габрэяў, каб у межах міжнароднага маршу жыцця наведаць памятныя для сябе месцы ў Беларусі. Адна з дэлегацыяў складам прыкладна ў 50 чалавек учора наведала Гродна.
– У дэлегацыі былі дзеці і ўнукі тых габрэяў, якія ўдзельнічалі ў Вялікай Айчыннай вайне менавіта на тэрыторыі Беларусі. Яны сустракаліся з прадстаўнікамі мясцовай абшчыны ў сінагозе і ўдзельнікам гродзенскага гетта Рыгорам Хасідам. Сярод гасцей, напрыклад, была дачка Асаэля Бельскага, аднаго з кіраўнікоў легендарнага партызанскага габрэйскага атраду братоў Бельскіх. Гэтая дачка там у атрадзе і нарадзілася…- распавёў старшыня гродзенскай габрэйскай абшчыны “Менора” і дабрачыннга фонду “Нохум” Міхаіл Корж.
Госці таксама наведалі месца былога гетта і месца расстрэлу габрэяў немцамі падчас Вялікай Айчыннай вайны.
Здымкі tutgrodno.com
alt=”Image 15474″ >
