Савецкая плошча раптам ператварылася ў гандлёвую

|

Увесь вечар прадстаўнікі прадпрыемстваў Гродзенскай вобласці  і мясцовых крамаў усталёўвалі намёты ды прылаўкі,  і сёння з раніцы пачаўся гандаль.

Кірмаш называецца “Тыдзень беларускага вытворцы” і будзе працаваць цэлы тыдзень.

У асартыменце ежа, піва, мёд, дзіцячая вопратка, кнігі…

Звычайна гандаль тут павінны спыняцца ў 19 гадзін, але сёння ён працягнецца да 20.00.

 

Упраўленне культуры рыхтуе для гасцей кірмашу культурную праграму: выступы духавога аркестра Гродзенскага ўпраўлення МНС і калектыву “Гарадзенскія трубы”.

У астатні час кірмаш будзе суправаджацца фонавай музыкай.

 

Кірмаш зладжаны ў тэрміновым парадку, і на сайце Гродзенскага гарвыканкама пра незапланаваны тыднёвы выяздны гандаль да гэтай пары няма ніякіх абвестак.

 

На фота: Tак сёння выглядае галоўная плошча Гродна