Расійскія канцэрны абвяргаюць факт вядзення перамоваў аб прыватызацыі “Азота”

Расійскія канцэрны абвяргаюць факт вядзення перамоваў аб прыватызацыі “Азота”

Як паведамілі naviny.by са спасылкай на РИА «Новости», спіс быў учора агучаны журналістам у Маскве прэм’ер-міністрам Беларусі Міхаілам Мясніковічам.

 

Паводле яго, у перамовах наконт магчымай прыватызацыі “Азота” удзельнічаюць буйныя расійскія канцэрны “Роснефть” і “СИБУР Холдинг”.

 

Кіраўніцтва абодвух канцэрнаў, аднак, абвергла гэтую інфармацыю.

 

Як паведамляе агенцтва “Інтэрфакс”, прадстаўнік “Роснафты” заявіў, што “у цяперашніх умовах дзяржактывы Беларусі” ім не цікавыя.

 

– Работнікі “Азота” нічога не ведаюць пра магчымую прыватызацыю – каментуе сітуацыю старшыня Незалежнага прафсаюзу работнікаў “Азота” Сяргей Антусевіч.

 

– Прадпрыемства было цікавае многім у сярэдзіне 90-х. Пасля таго аніякіх сур’ёзных размоваў на гэты конт на прадпрыемстве не было.

 

Па звестках газеты “Беларусы и рынок”, намінальны кошт пакета акцый “Азота” складае каля 700 млрд. бел. руб.