Праблему камунальных адходаў у Мастах будуць вырашаць за кошт Еўрасаюза

|

Прыродаахоўны праект у Мастах будзе часткай вялікага праекта “Садзейнічанне развіццю ўсеахопнай структуры міжнароднага супрацоўніцтва ў галіне аховы навакольнага асяроддзя ў Беларусі”.

На яго рэалізацыю ПРААН выдзяляе больш за 5 мільёнаў еўра.

Трохгадовы праект распачнецца ў 2012 годзе.

У яго межах плануецца прававое збліжэнне Беларусі і ЕС у пытанняхаховы прыроды, рэалізаваць некалькі пілотных прыродаахоўных міні-праектаў, распрацаваць комплекс мерапрыемстваў для заказніка “Ельня”.

Адным з кампанентаў праекта будзе шэраг мерапрыемстваў па інфармаванні грамадскасці ў сферы аховы навакольнага асяроддзя.

 

Гродзеншчына ўсё больш актыўна пачынае карыстацца магчымасцямі еўрапейскага фінансавання.

 

Днямі стала вядома, што еўрапейскім грантам разлічвае скарыстацца і Гродзенскі гісторыка-археалагічны музей, які супольна з Падляшскім музеем (Беласток) рыхтуе праект “Беласток-Гродна – сучасныя музеі”.

Гродзенскі музей плануе падрыхтаваць у межах праекта дакументацыю на рэканструкцыю ўсяго замкавага комплексу і дзвюх замкавых вежаў.