![](https://dzh7f5h27xx9q.cloudfront.net/styl/images/cms-image-000016154.jpg)
Гродзенская ДАІ шукае сведкаў начной аварыі
Трагедыя здарылася сёння пасля гадзіны ночы.
Гродзенец, які не меў правоў на кіраванне аўтамабілем, на вуліцы Вольгі Соламавай, рухаючыся ў бок Суворава, не ўтрымаў “Фальксваген” на дарозе.
Аўтамабіль, збіўшы светлафор і дарожны знак, заехаў на правую ўзбочыну і адарваўся ад зямлі.
Спыніла машыну апора асвятлення, якая пад націскам “Фальксвагена” зламалася.
Дзьве пасажыркі трапілі ў рэанімацыю.
Кіроўца, які, падобна, быў пьяны, таксама шпіталізаваны, машына рамонту не падлягае.
Бацька юнака распавёў, што той напярэдадні, як звычайна, папрасіў ключы ад машыны, каб пасядзець і паслухаць з сябрамі музыку.
ДАІ шукае відавочцаў ДТЗ і грамадзян, якія маюць інфармацыю пра абставіны здарэння.
Званіце па тэлефонах 79-75-44 альбо 79-75-05.
Паводле http://gaigrodno.by