Супраць браканьераў у Гродзенскай вобласці распачатыя 2 крымінальныя справы
Як паведамілі “Твайму стылю” ў інспекцыі аховы жывёльнага і расліннага свету, у 25 выпадках парушэнні тычыліся правіл вядзення рыбалоўнай гаспадаркі і рыбалоўства.
2 верасня інспектары затрымалі браканьераў у 15 кіламетрах ад в.Азёры ў гаі “Святое балота”.
Каля 9 гадзін супрацоўнікі Інспекцыі звярнулі ўвагу на аўтамабіль Мерседэс, які імчэў з вялікай хуткасцю.
У машыне знаходзіліся 2 чалавекі.
Падчас дагляду ў багажніку знайшліся 3 забароненыя для выкарыстання сеткі з лескі.
Знайшлася і рыба: 14 лінёў і 62 залатыя карасі.
Агульная вага здабытай браканьерскім спосабам рыбы – некалькі дзесяткаў кілаграм, а памер страт, якія панесла навакольнае асяроддзе, ацэнены ў больш чым 5 мільёнаў рублёў.
20 верасня ў 22 гадзіны ў Наваградскую міжраённую інспекцыю паступіла паведамленне аб тым, што каля в.Падбярэззе невядомыя ловяць рыбу з выкарыстаннем электралавільнай устаноўкі.
Начальнік Наваградскай раённай інспекцыі выехаў на затрыманне парушальнікаў разам з супрацоўнікамі ДАІ.
Аўтамабіль “Фальсваген Пасат” затрымалі.
Трое жыхароў Наваградка без пэўных заняткаў везлі ў ім электралавільную ўстаноўку з акумулятарам і мех з 15-цю фарэлямі, занесенымі ў Чырвоную кнігу Рэспублікі Беларусь.
На месца здарэння была выклікана следча-аператыўная група.
Гэтым разам страты навакольнага асяроддзя ацэнены ў 15 мільёнаў 750 тысяч рублёў.
У абодвух выпадках распачатыя крымінальныя справы.
Браканьерам пагражае да 6 гадоў пазбаўлення волі.