52% беларускага квасу вырабляе “Лідскае піва”
За 8 месяцаў года прадпрыемства на 40% павялічыла экспарт прадукцыі.
Попытам за мяжой карыстаецца лідскі квас, таму прадпрыемства збіраецца павялічыць ягоную долю ў агульным аб’ёме вытворчасці.
Фінскі інвестар “Лідскага піва” канцэрн Olvi вынікамі задаволены.
Уклаўшы 24 мільёны еўра, Olvi надаў новы імпульс працы прадпрыемства.
У бліжэйшыя гады Olvi плануе накіраваць інвестыцыі на ўсталяванне новай лініі па вытворчасці квасу.
Менеджэр па краінах Балтыі і Беларусі кампаніі Пеэп Аккель:
–Мы задаволены ростам продажаў прадукцыі прадпрыемства па выніках мінулага і гэтага года.
Ёсць часовыя цяжкасці, звязаныя з сітуацыяй на валютным рынку. Фінансавыя вынікі аказаліся ніжэй, чым мы чакалі, у прыватнасці, паказчыкі па прыбытковасці і рэнтабельнасці.
Тым не менш інвестар збіраецца і далей працягваць свой план развіцця прадпрыемства.
ААТ “Лідскае піва” вырабляе піва, квас, безалкагольныя і слабыя алкагольныя напоі, пітную ваду.
Прадукцыя прадпрыемства экспартуецца ў Расію, Малдову, Літву, Латвію, Эстонію, Польшчу, Германію.
Паводле http://www.belta.by