Продаж валюты па пашпартах пачнецца з 8 лістапада

|

Для набыцця валюты з 8 лістапада неабходна будзе прад’явіць касіру беларускі альбо замежны пашпарт, від на жыхарства ў Рэспубліцы Беларусь альбо пасведчанне бежанца.

Гэтая мера павінна дапамагчы Нацбанку выйсці на адзіны раўнаважны курс беларускага рубля.

Пашпартныя дадзеныя пакупнікоў наяўнай і безнаяўнай валюты будуць уносіцца ў адзіную базу звестак.

 

Продаж валюты па пашпарце прэзідэнт Лукашэнка запатрабаваў увесці яшчэ з 1 кастрычніка.

Аднак напярэдадні гэтай даты стала вядома, што банкі не паспелі ўвесці электронную сістэму ўліку, таму новаўвядзенне адклалася на месяц.

Адпаведны ўказ падпісаны 6 кастрычніка, 8 кастрычніка ён быў апублікаваны ў газеце “Советская Белоруссия”.