Тыдзень слінганашэння ў Гродне: флэш-моб, слінгаквэст, слінгашэсце і канцэрт

|

У аўторак і чацьвер, кажа Ганна Кузняцова, адна з арганізатарак, па чатырох гродзенскіх раёнах пройдуць флэш-мобы “Знайдзі Суседа!”.

11 кастрычніка збяруцца слінга-бацькі Дзевятоўкі, 13-га – жыхары Вішняўца, Фолюша і цэнтральнай часткі Гродна.

13 кастрычніка ў Музеі гісторыі рэлігіі слінга-бацькоў і дзяцей да 5 гадоў, а таксама цяжарных чакае бясплатны 30-хвілінны канцэрт гітарнай музыкі і кароткая экскурсія па экспазіцыі.

 

15 кастрычніка адбудзецца Другі Сямейны Слінгаквест

У прыгодніцкай гульні (ад англ. quest — пошукі) можа ўдзельнічаць любая сям’я (каманда) ад 2 (дарослы+дзіця/будучыя бацькі) да 5 чалавек (не больш за 3 дасрослых у камандзе), з далучэннем сваякоў і сяброў у слінгах, калясках альбо без іх.

Тэма – слінгі і гісторыя Гродна.

Маршруты будуць пралягаць па цэнтры Гродна.

Гуляць можна будзе толькі пасля рэгістрацыі.

Пакуль, кажуць арганізатары, зарэгістравалася толькі адна каманда.

 

Завершыць Тыдзень слінганашэння нядзельнае слінгашэсце.

Ганна Кузняцова:

З  11.30 да 12 гадзін збіраемся на Савецкай плошчы.

Затым ідзем па Савецкай у парк Жылібера.

Там у 12.30 я правяду майстар-клас, патлумачу асноўную розніцу паміж Кенгуру і Слінг-заплечнікам.


Падрабязную інфармацыю пра Тыдзень слінганашэнне ў Гродне чытайце на сайце Дзеці і Бацькі Гродна.

 

На фота: Шэсце гродзенских слінгамам у 2010 годзе

Фота з сайта http://sling.by