У Слонімскім раёне ратавалі карову са склепу
Калгасная карова, адбіўшыся ад статку, забрыла ў прыбудову на прыватным падворку і правалілася ў склеп, паведаміў галоўны спецыяліст Цэнтра прапаганды і навучання пры Гродзенскім абласным упраўленні МНС Вадзім Хатэнка.
Гаспадыня была вымушаная выклікаць выратавальнікаў.
Каб вызваліць карову, ім давялося бензапілой пашырыць уваход у склеп.
Жывёлу абвязалі выратавальнымі вяроўкамі і з дапамогай бульдозера выцягнулі на паверхню.
Ветэрынар, які адразу агледзеў карову, не знайшоў пашкоджанняў.
Праваліўшыся на глыбіню метр восемдзесят, жывёла толькі спужалася.
Больш пацярпелі гаспадарскія нарыхтоўкі на зіму.
alt=”Image 18610″ >
Прыбудова, у якую забрыла карова