![](https://dzh7f5h27xx9q.cloudfront.net/styl/images/cms-image-000019767.jpg)
Гран-пры фестывалю “Каложскі дабравест” атрымаў дзіцячы хор з Масквы
У Гродне сабраліся царкоўныя, свецкія прафесійныя і аматарскія калектывы.
Конкурсныя выступыі ацэньвала міжнароднае журы. Яно вызначыла лаўрэатаў “Каложскага дабравесту” ў трох ступенях і дзевяці катэгорыях.
Гран-пры фестывалю атрымаў дзіцячы хор “Вдохновение” дзіцячай музычна-харавой школы №106 Масквы.
Яшчэ тром калектывам прысуджаныя спецыяльныя прызы: візантыйскаму хору «IDIMELON» (Фесалонікі, Грэцыя), хору Свята-Духавага кафедральнага сабору (Чарнаўцы, Україна) і лепшаму дырыжору фестывалю Авідзію Фока (Рэдэуць, Румынія).
Прызы і памятныя падарункі лаўрэатам падрыхтавала Гродзенская епархія.
Уладальнік гран-пры атрымаў ноўтбук і сімвал фестываля – статуэтку, выкананую гродзенскім скульптарам Уладзімірам Панцялеевым.
Лаўрэаты першай ступені ўзнагароджаны мікрахвалёўкамі, другой – фотаапаратамі, трэцяй – электрычнымі чайнікамі.
Паводле http://www.orthos.org