Адраджэнне батанічнага сада ў Гродне: новыя дрэвы ў парку Жылібера пасадзяць 18 красавіка
Для аднаўлення калекцыі знакамітага некалі батанічнага сада, у парку Жылібера з боку вуліцы Ажэшкі заўтра пасадзяць саджанцы каштана ядомага, араліі манчжурскай і дэйцыі шурпатай (гародчатай).
Наталля Канюк:
– Дэйцыю, якая расла ў батанічным садзе з 18 стагоддзя, выкапалі і выкінулі ў 2009 годзе, калі ўсталёўвалі атракцыёны. На шчасце, куст падабрала і пасадзіла каля ўласнага дома жыхарка вуліцы 1 Мая, а цяпер перадае парастак нам.
Яўген Вінчэўскі ахвяруе 5 парасткаў ядомага каштана, Галіна Буцько – азалію манчжурскую (вельмі рэдкая лекавая расліна, дрэва дасягае 15 ў вышыню).
Першыя расліны на месцы былога батанічнага сада былі пасаджаны 28 кастрычніка мінулага году:
3 манчжурскіх арэхі, 2 лаўравішні, 5 дрэваў крывава-чырвонага баярышніка, 3 іргі, 3 ядлоўцы, апісаная Жыліберам чаромха.
Усе яны добра перазімавалі.
Свайго часу на прысядзібным участку Наталлі Канюк чакаюць макадамія (найдаражэйшы ў свеце арэх), маракуйя, жыліберцыя. Гэтыя расліны ў нашых умовах могуць расці толькі ў аранжарэях. Калі з’явіцца аранжарэя ў парку Жылібера – невядома.
Наталля Канюк звяртаецца да ўсіх гарадзенцаў, якія вырошчваюць рэдкія расліны, ахвяраваць парасткі для адраджэння гарадзенскага батанічнага сада. Усе ахвярадаўцы будуць запісаныя ў ганаровую кнігу батанічнага сада.
Звязацца з спадарыняй Наталляй можна па тэлефонах: 75 33 01, 888 34 17 (МТС).
Батанічны сад ў Гродне быў закладзены Эмануэлем Жыліберам 236 гадоў таму.
У мінулым годзе Наталля Канюк сабрала подпісы пад лістом у падтрымку адраджэння сада і звярнулася ў аблвыканкам.
Улады яе ідэю таксама падтрымалі.
Гарадзенка Наталля Канюк стала ініцыятаркай адраджэння батанічнага саду, які быў заснаваны Эмануэлем Жыліберам 235 год таму.
Ліст у падтрымку ідэі адраджэння батанічнага саду падпісалі больш ста паважаных гарадзенцаў.
Наталля Рыгораўна звярнулася з гэтымі подпісамі ў аблвыканкам. Улады, як распавядае сама ініцыятарка, ідэю падтрымалі.