“Людзі на балоце” далі ў Гродне першы вялікі канцэрт
Перад пачаткам канцэрта Алесь Дзянісаў запрасіў на сцэну ўсіх музыкаў, што гралі ў “ДК імя Грэка” – менавіта ў гэты дзень “ДК імя Грэка”, што месціўся ў закінутым будынку, які замінаў будаўніцтву новай дарожнай развязкі, быў канчаткова зруйнаваны.
Тузін песень ад “Людзей на балоце” ствараў уражанне адзінага вялікага твору.
“Гэта праграма пра тое , што адбывалася на Беларусі пасля рэвалюцыі,” – кажа Алесь Дзянісаў. Большасць мясцовага насельніцтва не ўспрымала бальшавікоў, менавіта пра гэта і песьні”.
Распачаўся канцэрт ўжо вядомым у выкананні Алеся Дзянісава творам “Пойдем хлопцы на вайну”.
Лагічным працягам сталася песня “Зброя”.
“Заўсёды маці перажывае, што будзе адбывацца з яе сынам, альбо дачкой, калі адпраўляе іх на вайну,“– ад імя маці заспявала скрыпачка гурта.
Песня “Людзі на на балоце” – аднайменная назве гурта – пра невядомых беларускіх партызан, што ўздымалі свае “сякеры і вілы супраць кулямётаў”.
Скончылі канцэрт пазітывам – песняй “Прыйдзе вясна”.
Пасля “Людзей на балоце” выступілі іншыя гарадзенскія гурты “В.К.Л” і “Любимая вредная привычка”.
Аднак большасць гарадзенцаў прышлі менавіта дзеля таго, каб паслухаць Алеся Дзянісава, таму пасля выступу “Людзей на балоце” людзі пачалі разыходзіцца.
Канцэрт на новай пляцоўцы “ОфицероFF” у былым Доме афіцэраў, адбыўся дзякуючы Сяргею Фінскаму.
Здымкі аўтара