У абласной бібліятэцы прадставяць кнігі ад HronoGrodno

Выдаўцы кажуць пра прэзентаваныя кнігі наступным чынам:

 

«Ігар Трусаў сабраў пад дахам сваёй кнігі архітэктараў і будаўнікоў розных часоў, сістаматызаваў іх. Віктар Саяпін у кнізе «Архітэктура Гродна. Неажыццяўлённыя праекты савецкага перыяду» прапануе прайсціся па вуліцах неіснуючага гораду».

 

Ігар Трусаў у прадмове да сваёй новай кнігі кажа: «Аўтар дадзенай брашуры не прэтэндуе на ўсю паўнату звестак аб гарадзенскіх архітэктарах і будаўніках XII-XVIII стагоддзяў. Матэрыялы да тэмы назапашваліся не ў сувязі з чыста акадэмічнай цікавасцю да яе, а ў выніку вытворчасці даследаванняў па канкрэтных аб’ектах рэстаўрацыі помнікаў архітэктуры ў Гродне. У кнізе большая ўвага нададзена менавіта біяграфічным звесткам аб архітэктарах і будаўніках».

 

Прэзентацыя гэтых кнігаў пачнецца 24-га траўня а 17-й гадзіне.