![](https://dzh7f5h27xx9q.cloudfront.net/styl/images/cms-image-000022057.jpg)
Пенсіянер з Мастоўскага раёна блукаў у лесе больш за тыдзень
Паводле старшага оперупаўнаважанага Мастоўскага РАУС Андрэя Жвіроблі, сумесныя з вяскоўцамі пошукі зніклага вяліся чатыры дні, аднак ніякіх слядоў старога знайсці не ўдалося.
Увесь гэты час Адольф Адамавіч блукаў па лесе. Вады ў яго не было, ён харчаваўся зялёнай лістотай, начаваў у ельніку, знясілеў і ўжо не спадзяваўся на выратаванне, паведамілі Новости «24 часа» на СТВ.
Некалькі разоў пенсіянеру даводзілася бараніцца ад дзікоў.
На шчасце аднойчы стары выпадкова выйшаў да лесанарыхтоўкі.
Вальшчыкі ў той дзень расчышчалі завалы за некалькі дзясяткаў кіламетраў ад бліжэйшых вёсак.
Працоўныя і адвезлі яго дамоў.
Ілля Шапель, машыніст маніпулятара:
– Ён проста запытаўся, дзе дарога на гэтую вёску. Я сказаў, што не ведаю, таму што не мясцовы, і паехаў. А калі праз паўгадзіны прыехаў, ён стаяў на тым чамым месцы. І я стаў нешта падазраваць у той момант.
Блукаючы больш за тыдзень па лесе без вады і ежы, Адольф Адамавіч практычна не пацярпеў. Невялікая прастуда прайшла праз некалькі дзён.
Паводле http://www.ctv.by
Здымак http://www.vokrugsveta.ru